vela, la: sust. Aición y efeutu de velar. 2 Cilindru [fechu de cera, de sebu, con un filu retorcíu dientro, que val p’allumar]. 3 Pieza o conxuntu [de pieces de llona que se suxeta a los palos d’un barcu pa qu’avance al facer fuercia nelles l’aire]. 4 Argolla [de metal que suxeta la gadaña al estil]. 5 Pina [que se pon al estil de la gadaña p’asegurala]. 6 Navegación deportiva [que se fai usando sólo la pieza o conxuntu de pieces de llona que se suxeten a los palos d’un barcu]. 7 Arum italicum, planta [cola flor en forma d’espiga mariella y una envolvedura de color blanco que la arrodia]. 8 Álamu [altu y delgáu]. 9 Rezu [que se fai delantre d’un difuntu al atapecer]. 10 Atadura [fecha con paya enroscao que s’usa p’ayudar a enrestrar panoyes]. 11 fam. Mocu [qu’arroya de les narices]. || A toa vela, coles veles desplegaes [un barcu]. || Agarrar vela, quedar ensin sueñu, nun poder dormir. || Dar vela (nun entierru), fam. dar permisu [pa intervenir, pa falar d’un asuntu]. || En vela, ensin dormir. || Estiráu como una vela, fam. presumíu, enchipáu. || Filo (de) vela, material [fecho con una porción o porciones de cáñamu, de llinu retorcío de manera que queda fino y allargao y que s’emplega p’atar l’embutíu]. || Vela (de) (les) tiniebles, vela [que se pon nel altar de les ilesies el Xueves y Vienres Santu].