sistema, el: sust. Conxuntu [ordenáu d’elementos o d’unidaes coles sos normes y procedimientos pa facer funcionar un tou]. Sistema educativu. Sistema económicu. 2 Conxuntu [de muérganos, d’astros que se mueven o actúen d’una manera coordinada]. Sistema nerviosu. Sistema solar. 3 Conxuntu [de conceutos, d’idees que se presenten auníos por una organización interna]. Sistema filosóficu. 4 Manera d’organizase [la sociedá acordies coles pautes del poder establecíu]. La mocedá enfrentóse col sistema. || Por sistema, siguiendo una norma fixa que nun camuda.