raza, la: sust. Conxuntu de trazos, de cualidaes [que se tresmiten per herencia xenética y que faen carauterísticos a los miembros de dellos grupos humanos, de delles especies d’animales]. 2 Conxuntu d’animales [que dientro de la so especie tienen unos trazos, unes cualidaes propies tresmitíes per herencia xenética]. 3 Grupu [humanu formáu polos ascendientes y descendientes d’una persona]. Paéceste a la raza. 4 Caráuter, manera de ser. 5 Cantidá mui pequeña [de daqué]. Nun queda nin raza d’ello. 6 Nada. Nun quedó raza. || De raza, bonu, con bones cualidaes [un animal, una fruta]. || Raza de Sol, rayada [de Sol].