raposa, la: sust. Vulpes vulpes, mamíferu carniegu [de color roxo, focicu puntiáu y rabu llargu]. 2 Vulpes vulpes fema. || Baille de la raposa, baille [que se fai en corru al son d’un panderu que toca un mozu que ta nel mediu la rueda]. || Cargar como la raposa pelleyos [a ún], fam. reñer o censurar [a daquién]. || Cereza de raposa, frutu [redondu y pequeñu de color encarnao d’un arbustu asemeyáu a la mariselva]. || Como la raposa, de manera fuina, escondiendo les intenciones verdaderes. || Como una raposa, de manera fuina, escondiendo les intenciones verdaderes. || Coral de raposa, frutu [redondu y pequeñu de color encarnao que d’un arbustu asemeyáu a la mariselva]. || Cueva (de) la raposa, fam. pocina [que se forma onde s’axunta l’espinazu cola cabeza de les persones]. || Pan de raposa, [tipu de] cogorda. || Rabu de raposa, planta [alta] del xéneru Equisetum [de la que sal un grupu de cañines de cada nuedu del tueru]. || Rosal de la raposa, Rosa canina, planta montés [con munchos pinchos y flores arumoses y de dellos colores].