raba, la: sust. Allargamientu [de tables que se ponen na parte trasera del carru p’agrandar el treme]. 2 Parte [d’atrás del carru]. 3 Rabera, pieza [corva per onde s’agarra’l llabiegu, la vara de tazar pa manexala]. 4 Cambiella, aráu [pa llabrar terrenos duros que lleva un sechoriu o cuchiella llarga en vez de reya]. 5 Cebu [pa pescar]. 6 Loligo vulgaris, calamar, moluscu cefalópodu [de forma allargada, que tien ocho raxos pequeños y dos más llargos]. 7 fam. Dineru. 8 pl. Restos [de la comida que’l ganáu tira en suelu]. || Echar a la raba, enganchar [una pareya de vaques] a la parte d’atrás del carru [pa frenalu].