palanca, la: sust. Barra [de fierro, de madera que val pa mover coses pesaes, apoyando un cabu nun puntu debaxo d’elles y faciendo fuercia nel otru]. 2 Tranca [pa zarrar una puerta, una ventana]. 3 Pieza [de madera unida per una cadena a la compuerta que dexa pasu al agua nel molín]. 4 Tapón [de madera que se pon nun desagüe]. 5 Palu [curvu, con una canaleta na parte cola que se golpia al mayar]. 6 Palu [con dellos furacos per onde se mete la soga que s’emplega p’arrastrar los montones de yerba]. 7 Vara [de yerba], montón [grande y cónicu de yerba que se fai alredor d’un palu llargu y afitáu en suelu p’almacenar lo que nun se mete na tenada]. 8 Aparatu [compuestu de dos cilindros y un rabil que s’emplega p’afinar la pastia del pan]. || Facer palanca con [daqué], apoyar en [daqué pa mover fácil una cosa pesada].