color, el/la: sust. Sensación [que produz daqué nel sentíu de la vista al entrar en contautu cola lluz]. 2 Cualidá o conxuntu de cualidaes [de daqué pa producir una sensación nel sentíu de la vista al entrar en contautu cola lluz]. 3 Oxetu o sustancia [colo que se llogra que daqué produza una determinada sensación visual al entrar en contautu cola lluz]. 4 Sensación visual que nun ye nin blancu nin negru. 5 Apariencia, aspeutu [d’una situación, d’un asuntu]. 6 Aspeutu esternu [d’una persona, manifestáu na cara]. 7 Morenez, aspeutu [qu’agarra la piel al da-y el sol, l’aire]. 8 masc. pl. Aspeutu [qu’agarren los papos de la cara al sentir vergüenza, al sentir calor]. || De color, nin blanco, nin negro [ropa, calzáu]. || De color (de) rosa, fácil, ensin complicaciones. || En color, que reproduz igual o de manera asemeyada los colores naturales [una semeya, una televisión]. || Poner color, entamar a maurecer [la fruta]. || Ponese de tolos colores, pasar vergüenza. || Ver les estrelles en colores, fam. tener munchu dolor. || Xubir los colores, poner coloráu [pola vergüenza, pola sorpresa].