Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


ciencia, la: sust. Conxuntu de conocimientos [qu’esisten sobre daqué y que tán basaos en fechos que se puen observar o esperimentar y n’hipótesis razonaes]. 2 Sistema de procedimientos d’investigación [basaos na observación, la esperimentación y la hipótesis razonada, col que se llogra la conocencia de la realidá]. Agora faise más ciencia qu’antes. 3 Conxuntu de conocencies d’una parte concreta de la realidá, algamaes pola observación, la esperimentación y la hipótesis razonada. La química ye una ciencia. 4 Sabencia, conocencia, xacíu. Lluis diz coses con muncha ciencia. 5 pl. Conxuntu d’asignatures rellacionaes col estudiu de la naturaleza, de les lleis físiques, de les matemátiques. L’añu que vien escueyo ciencies. || A ciencia cierta, de manera segura, ensin dulda. || Árbol de la ciencia, árbol del que, según la Biblia, nun dexó Dios comer el frutu. || Ciencia ficción, xéneru lliterariu y cinematográficu onde apaecen situaciones ficticies basaes n’avances científicos imaxinarios. || Ciencies exautes, matemátiques. || Ciencies humanes, conxuntu de conocencies y de procedimientos [relativos a la realidá xenerada pola actividá del home como ser intelixente]. || De ciencia, dedicáu a la investigación científica. Home de ciencia. || Tener ciencia, ser difícil de facer, d’entender.