casa, la: sust. Construcción [fecha pa vivir nella persones]. Tien la casa perllimpia. Llama a ver si ta en casa. 2 Construcción [que se fai sola nun terrenu pa vivir nella una familia namái]. 3 Sitiu [onde críen o se guarden los animales]. La raposera ye la casa del raposu. 4 Conxuntu [de familiares que viven xuntos]. Tien a tola casa tres d’él. 5 Llinaxe, conxuntu [de persones emparentaes ente sí]. Casa de los Borbones. 6 Institución social. Casa de la Cultura. Casa de la Moneda. 7 Construcción [onde ta asitiada una institución social]. Quemó la Casa de la Cultura. 8 País, pueblu, territoriu [que se siente como propiu]. ¡Qué gustu da volver a casa depués de tantos años nel estranxeru! 9 Empresa [comercial, industrial]. Esta casa de coches tuvo munchos beneficios esti añu. 10 Sucursal [d’una empresa comercial, industrial]. Trabaya nuna de les cases que la multinacional tien n’Asturies. 11 Campu de xuegu propiu [d’un equipu, d’un xugador]. Esti árbitru siempre pita a favor de los que xueguen en casa. 12 Cuerpu de funcionarios [que tán al cargu d’un rei, d’un altu mandatariu]. 13 Parte interior güeca [d’una madreña, d’un zapatu]. 14 Güecu hexagonal [de los que formen la seta d’un caxellu]. 15 Arcu [del xugu]. 16 Puntu de partida [onde tán les fiches de cada xugador nel xuegu del parchís]. 17 Sitiu [onde tienen que llegar les fiches nel xuegu del parchís]. Gané, metí toles fiches en casa. 18 Sitiu [acutáu nel xuegu de la queda, del rescate onde se ponen a salvu los xugadores y nun los pueden agarrar]. Toi en casa y nun me pues pillar. 19 Güecu [de los qu’hai nun mueble na receición d’un hotel, na entrada d’un edificiu, pa dexar les llaves, los recaos, les cartes]. 20 Marca [que dexa l’hinchón de glanglios en pescuezu]. || Barrer pa casa, fam. favorecer los intereses propios o de los mui allegaos. || Casa (de) baños, balneariu, establecimientu [públicu onde va la xente a bañase]. || Casa (de) Dios, ilesia, edificiu dedicáu al cultu relixosu. || Casa (de) (el) conceyu, edificiu [onde s’asitia’l llar de la corporación municipal]. 2 Sitiu [onde s’axunten los vecinos d’un pueblu pa tratar dalgún asuntu]. || Casa (de) llocos, manicomiu. 2 fam. Empresa, asociación, institución [mal organizada, que funciona mui mal]. || Casa (de) mayorazu, casa fuerte [d’un pueblu por nun partise ente los herederos]. || Casa (de) morada, vivienda. || Casa (de) putes, llocal [onde s’exerce la prostitución]. 2 fam. Empresa, asociación, institución [mal organizada, que funciona mui mal]. || Casa (de) socorru, llocal [onde se dan les primeres atenciones a los mancaos]. || Casa Dios, fam. un sitiu mui apartáu y remotu. || Casa la Virxe, fam. un sitiu mui apartáu y remotu. || Casa rectoral, casa [del cura d’una parroquia]. || Casa’l demoniu, fam. un sitiu mui apartáu y remotu. || Casase (pa) en casa, axuntase [llegalmente, de manera civil o relixosa una persona con otra y quedar a vivir na casa paterna]. || Como en casa güelu, fam. mui a gustu, mui cómodu. || Como una casa, muncho [grande]. || Convién pa una casa ensin xente, persona [que val poco]. || D’andar per casa, que tien un usu domésticu. 2 De pocu valor, de poca trescendencia. || De casa, de producción artesanal, ensin procesu industrial. 2 De confianza. Pues falar delantre d’él tranquilu, ye de casa. || Echar la casa pela ventana, marafundiar, gastar munchu dineru, munches riqueces [de mala manera]. || Meter l’agua en casa, fam. facer perder en terrenu propiu. || Nun poner un güevu en casa, fam. andar siempre fuera de casa. || Pa en casa, p’atender les necesidaes familiares. || P’andar per casa, que tien un usu domésticu. 2 De pocu valor, de poca trescendencia. || Tirar la casa pela ventana, marafundiar, gastar munchu dineru, munches riqueces [de mala manera]. || Volver pola foz a casa, fam. volver a tratar daqué.