capiella, la: sust. Ilesia [pequeña non parroquial]. 2 Parte [d’una ilesia onde hai un altar dedicáu al cultu d’un santu, d’una virxe]. 3 Edificiu o parte [d’un edificiu que s’emplega como ilesia y que ye d’usu particular]. 4 Capa de vistir [pequeña]. 5 Prenda de vistir [de llana que se pon penriba los costazos p’abrigar]. 6 Pieza [que lleven dalgunes prendes de vistir p’atapar la cabeza]. 7 Gorru [de forma cónica]. 8 Corru [que se fai colos fexes de narbasu, de maíz dempués de quita-yos les panoyes]. 9 Manoyu [de paya, de trigu, de centén]. 10 Punta [de la madreña]. 11 Correa [de les qu’aúnen la manueca al piértigu nel manal]. 12 Encetadura, pedazu [primeru que se corta d’un pan]. 13 Vuelta [del revés que se da a los pulpos, a los potarros]. || Capiella ardiente, conxuntu de muebles y d’oxetos que s’empleguen nos funerales y enantes de los funerales [pa honrar a los muertos]. 2 Sitiu [onde se coloca a un muertu con un conxuntu de muebles y oxetos que s’empleguen pa honralu nel funeral y enantes del funeral]. || Sacu (de) capiella, sacu [con una esquina metida per otra que se pon de caperucha].