camisa, la: sust. Prenda de vistir [xeneralmente con cuellu y con mangues que cubre la parte superior del cuerpu]. 2 Prenda de vistir interior [de muyer que cubre la parte superior del cuerpu]. 3 Tela [mui fino de texíu orgánico qu’arrodia dalgunos órganos, l’interior de los güevos de les aves]. 4 Pelleyu [que suelten les culiebres al sali-yos lo nuevo]. || Cambiar de camisa, fam. dexar de tener una manera de pensar, una ideoloxía pa tener otra [por comenencia]. || Camisa (de) el flaire, planta [de flores blanques con pintes]. || Camisa de fuercia, prenda [que se mete pelos brazos y val pa dexalos ensin poder movelos amarrándolos al cuerpu]. || En mangues de camisa, ensin nenguna prenda penriba la camisa. || Ensin camisa, arruináu, ensin nada. || Güevu en camisa, güevu ensin cáscara. || Metese en camisa d’once vares, fam. participar nun asuntu complicáu, nuna discusión [que nun correspuende a ún]. || Nun llegar la camisa al cuerpu [a daquién], entrar munchu mieu.