calor, la: sust. Enerxía [de les coses materiales producío pol movimientu rápidu de les sos molécules que pasa d’un cuerpu a otru per contautu]. 2 Temperatura [alto de l’atmósfera, d’un cuerpu]. Güei fai calor. 3 Sensación producida pola temperatura alto. || Calor específico, cantidá d’enerxía [que necesita un quilogramu d’una sustancia pa xubir un grau la so temperatura]. || Calor llatente, cantidá d’enerxía [que se necesita pa camudar una sustancia d’estáu sólidu a líquidu, o de líquidu a gaseosu]. || Dar calor, dar importancia. Nun deas calor a eso que te dixo, que nun foi con mala intención. || Entrar en calor, calecer, entamar a sentir calor [dempués de pasar fríu].