bota, la: sust. Pieza de calzáu [que protexe’l pie y parte de la pierna]. 2 Recipiente [de pelleyu pa beber vinu per él o pa guardar líquidos]. 3 Recipiente [de pelleyu pa beber vinu per él o pa guardar líquidos enllenu de daqué]. 4 Cantidá [de daqué que lleva un recipiente de pelleyu pa beber vinu per él o pa guardar líquidos]. 5 Tripa [de vaca enllena de mantega]. 6 Vexiga [del gochu]. 7 Bultu, hinchón. 8 Tubu o canal [per onde baxa l’agua que mueve’l mecanismu del molín, del mazu]. || Poner una bota [a daquién], ganar [a daquién] tolos xuegos d’una partida de cartes. || Quesu de bota, [tipu de] quesu que se fai en Quirós y Proaza.