bolsu, el: sust. Bolsa [pequeña, cosida na ropa con una abertura, que s’usa pa llevar coses menudes, pa meter les manes]. 2 Bolsa [pequeña cosida na ropa con una abertura enllena de daqué]. 3 Cantidá [de daqué que lleva una bolsa pequeña cosida na ropa con una abertura]. 4 Oxetu [que val pa llevar coses d’usu personal y que se cuelga del costazu o se lleva na mano]. 5 Oxetu [que se cuelga del costazu o se lleva na mano enllenu de daqué]. 6 Cantidá [de daqué que lleva un oxetu que se cuelga del costazu o se lleva na mano]. || Coles manes en bolsu, fam. ensin trabayar, ensin facer nada. 2 Ensin dineru, ensin bienes. || De bolsu, de dimensiones más pequeñes que los oxetos del so xéneru. || Enllenar los bolsos, fam. arriquecer [robando]. || Meter en bolsu a [daquién], ganar la confianza, la simpatía de [daquién]. || Tener el bolsu caliente, fam. tener munchu dineru. || Tener los bolsos al revés, fam. tar ensin dineru. || Tener reuma al bolsu, fam. ser atuñáu, roñosu. || Tener un furacu en bolsu, fam. ser mui gastizu. || Tener una culiebra en bolsu, fam. ser atuñáu, roñosu.