Resultaos

boca, la: sust. Cavidá na cara que fai d’entrada al aparatu dixestivu. 2 Parte esterior de la cavidá de la cara que fai d’entrada al aparatu dixestivu. 3 Sitiu [per onde s’entra o se sal d’un llugar]. 4 Güecu [de la madreña per onde se calza]. 5 Güecu [d’un recipiente per onde s’enllena o vacía]. 6 Estremidá [en forma de tiñaces o pinza que tienen dellos crustáceos]. 7 Entrada [d’una ría, d’un camín, d’una cai]. 8 Abertura, güecu. 9 Tastu [que dexa una comida al saborgalo]. 10 Parte [d’una ferramienta cola que s’afuraca, cola que se corta]. 11 fam. Conxuntu d’elementos [qu’hai na cavidá que fai d’entrada al aparatu dixestivu d’una persona, d’un animal]. Voi dir al dentista, que tengo mui mal la boca. || A boca chapla, direutamente sobre’l fueu de [la cocina de carbón, de lleña]. || A boca qué quies, perbién, con munches atenciones, con munches comodidaes. || A (la) boca talegón, de sutrucu, ensin esperalo. Alcontréme con ella a boca talegón. 2 Metanes d’una corriente d’aire. || A pidir (de) boca, talamente como se quería. || A qué quier boca, perbién, con munches atenciones, con munches comodidaes. || Abrir boca, nun quedar a pañu [una trabanca na mina]. || Abrir boca con [daqué], comer o beber [daqué llixero pa preparar l’estómagu pa la comida]. || Abrir la boca, bocexar. 2 Falar, dicir. 3 Pidir de contino. || Al sabor de la boca, ensin xacíu, ensin pensar [falar, dicir]. || Atapar la boca, facer callar. || Boca abaxo, cola parte d’alantre p’abaxo. 2 Cola parte principal p’abaxo. || Boca arriba, cola parte d’alantre p’arriba. 2 Cola parte principal p’arriba. || Boca (de) llobu, bocallobu, forma [que se da a la cabeza d’un pie de galería na mina pa qu’encaxe la trabanca]. || Boca de riegu, cañu [onde s’amiesta una manguera de riegu]. || Boca d’infiernu, enclín a ser malfaláu. || Boca per boca, dando aliendu a otru na boca cola boca. || Boca rota, indiscretu, que fala más de la cuenta. 2 Malfaláu. || Bona boca, enclín a ser malfaláu. 2 Enclín a falar davezu mal de la xente. || Cagar na boca a [daquién], fam. burllase de [daquién de manera abondo ofensiva]. || Calentar la boca [a daquién], facer dicir coses que nun se teníen que dicir. || Calentase la boca [a daquién], entrar gana de dicir coses que nun se teníen que dicir. || Callar la boca, nun falar. || Cayer na boca, asoceder lo contrario de lo que se dicía con enchipamientu, con arguyu. || Cielu (de) la boca, paladar, parte superior de dientro la boca. || Col bocáu na boca, acabante comer. 2 Ensin acabar de comer. || Cola boca abierta, plasmáu, ablucáu. || Cola pallabra na boca, ensin acabar de dicir lo que se tenía pensao. || Como boca de llobu, perescuru [el día, un sitiu]. || De boca, de pallabra namái, ensin intención de facer lo que se diz. || De boca de sapu, de llana y mui zarraos [unos escarpinos]. || De boca en boca, públicu, persabíu [un asuntu]. 2 Criticáu [daquién o daqué]. || De bona boca, con tolos dientes [el ganáu]. 2 Con capacidá pa comer muncho. || De mala boca, ensin tolos dientes [el ganáu]. || De media boca, ensin camudar tolos dientes [el ganáu]. || Dexar col miel na boca [a daquién], quitar [a daquién] el disfrute de daqué polo que naguaba. || Echar culiebres pela boca, fam. falar xurando. || Echar esquistos pela boca, tar mui enfadáu. || Echar esquistu pela boca, tar mui enfadáu. || Echar pela boca, criticar, falar mal [de daqué o de daquién]. 2 Dicir [munches pallabres malsonantes y de siguío]. || En boca de toos, públicu, persabíu [un asuntu]. 2 Criticáu [daquién o daqué]. || Facer boca, comer o beber daqué llixero [pa preparar l’estómagu pa la comida]. 2 Tomar daqué [pa rematar la comida a gustu]. || Facer boca con [daqué], comer o beber [daqué llixero pa preparar l’estómagu pa la comida]. 2 Tomar [daqué pa rematar la comida a gustu]. || Facer la boca agua, facer naguar. || Facer la boca un flaire, *espresión cola que se da a entender que daquién pide demasiao. A esti rapacín paez que-y fixo la boca un flaire qué pidión ye. || Facese la boca agua, entrar [a daquién] gana de [daqué]. || Mala boca, costume de falar diciendo cagamentos, pallabres malsonantes. || Na boca’l llobu, arriesgándose muncho, esponiéndose muncho. || Nun dar vuelta (a) la llingua na boca, nun articular bien les pallabres [por tar borrachu, por tener munchos mimos, por un defeutu físicu]. || Nun estallar mala castaña en boca, *espresión que se diz cuando se piensa que daqué bono nun va asocede-y a daquién. || Nun estallar una castaña na boca, *espresión que se diz cuando se piensa que daqué bono nun va asocede-y a daquién. || Per boca d’otru, de mandáu [falar, dicir]. || Poner el platu boca abaxo [a daquién], negar la comida [a daquién]. || Quitar de la boca [daqué a daquién], dicir primero [lo qu’otru taba pensando o taba pa dicir]. || Tener la boca como una portiella, fam. desaxerar muncho. || Tener mala boca, ser repunante [pa comer]. 2 Falar mal d’otros davezu. || Tener siempre na boca [daqué] o a [daquién], tar siempre falando de [daqué o daquién]. || Tener una boca de fueu, ser malfaláu. || Tener (una) boca d’infiernu, ser malfaláu. || Un boca abierta, indiscretu, que fala más de la cuenta. || Zarrar la boca, callar, dexar de falar. 2 Facer que [daquién] dexe de falar.