base, la: sust. Sitiu [onde apoya un edificiu, un oxetu]. 2 Parte baxera [per onde apoya un edificiu, un oxetu]. 3 Llinia o superficie [onde se supón qu’apoya una figura xeométrica]. 4 Razón [que sofita una idea, un fechu]. 5 Fechu [que da orixe a daqué]. 6 Puntu [de referencia nuna midida, nun cálculu]. 7 Parte [más importante d’una organización, d’un sistema]. 8 Conxuntu [d’instalaciones emplegaes pa misiones militares, científiques]. 9 Llugar [onde ta’l conxuntu d’instalaciones emplegaes pa misiones militares, científiques]. 10 Conxuntu de miembros [d’una organización que nun ocupen cargos]. 11 Sustancia [químico, compuesto d’un metal y el grupu hidroxilu, qu’al mecelo col agua atrái protones]. 12 Ingrediente [principal d’una amestanza, d’un compuestu]. 13 Parte [d’una pallabra que queda al quitar afixos o desinencies]. 14 Cantidá [que se multiplica por sí mesma tantes vegaes como indica l’índiz nuna potencia]. 15 Númberu [del que son función otros númberos]. || A base de [daqué], emplegando principalmente [daqué]. 2 Por muncho [facer daqué]. Sacólo a base de trabayar.