arcu, l’: sust. Parte [d’una curva xeométrica]. 2 Parte [curva de daqué]. 3 Oxetu o conxuntu d’oxetos [que formen una curva]. 4 Espaciu [abovedáu, debaxo les mueles, onde s’asitia’l mecanismu del molín]. 5 Construcción [curva que n’arquiteutura s’emplega pa cubrir el vanu de puertes, de ventanes]. 6 Collar [del que cuelga’l cencerru]. 7 Aru [de metal qu’arrodia les duelles de los toneles]. 8 Utensiliu [compuestu d’una vara de madera y unos filos tensaos que val pa tocar dalgún instrumentu musical]. 9 Arma [formada por una vara cimble qu’acamba cuando se tensa la cuerda qu’aúne los sos estremos]. 10 Semicírculu de colores [que se forma en cielu cuando la lluz del Sol trescala l’agua que cai de les nubes]. || Arcu de ferradura, construcción curva arquiteutónica de más de cientu ochenta graos de circunferencia. || Arcu (de) iris, semicírculu de colores [que se forma en cielu cuando la lluz del sol trescala l’agua que cai de les nubes]. || Arcu de mediu puntu, construcción curva arquiteutónica en forma de media circunferencia. || Arcu la vieya, semicírculu de colores [que se forma en cielu cuando la lluz del Sol trescala l’agua que cai de les nubes]. || Arcu pintáu, semicírculu de colores [que se forma en cielu cuando la lluz del Sol trescala l’agua que cai de les nubes]. || Arcu trunfal, monumentu [que se llevanta na acordanza d’una victoria, d’un acontecimientu]. || Arcu voltaicu, semicírculu lluminosu [que se produz ente dos electrodos de carbón]. || Arcu’l señor, semicírculu de colores [que se forma en cielu cuando la lluz del Sol trescala l’agua que cai de les nubes].