abrasar: v. Quemar [muncho]. Abraséme na mano cola pota. A les doce abrasa’l sol. 2 Doler, facer sentir [munchu] dolor. Les mueles tán abrasándome. 3 Mancar [muncho]. Abrásenme los mosquitos. Los zapatos abrasáronme los pies. 4 Poner en mal estáu, en males condiciones. Nel accidente abrasó’l coche. 5 fam. Ser [mui grande la cantidá de daqué]. Abrasa lo que comen estos neños. Tien un chigre como un corripu y abrasa lo que viende. 6 fam. Cobrar percaro o muncha cantidá de dineru. Esi comerciu abrasa. 7 fam. Facer gastar [más] dineru de lo necesario, de lo xusto. Esti añu van abrasame cola contribución.