tiempu, el: sust. Dimensión [que se manifiesta por una socesión de camudamientos nes coses]. 2 Porción concreta de la dimensión [que se manifiesta por una socesión de camudamientos nes coses]. Nun tengo tiempu pa facer eso. 3 Porción concreta de la dimensión [que se manifiesta por una socesión de camudamientos nes coses y que ye afayadiza pa dellos acontecimientos o xeres]. El tiempu de les ablanes. 4 Morfema gramatical [del verbu qu’espresa rellación de l’aición col momentu presente]. 5 Estáu atmosféricu. || A tiempu, cuando ye necesariu, nel momentu xustu. || A un tiempu, desendolcando una aición a la vez. || Al mesmu tiempu, desendolcando una aición a la vez. || Al tiempu, *espresión cola que s’afirma que lo qu’ún diz va probase nel futuru. || Bien en tiempu, cuando ye necesariu, nel momentu xustu. 2 Pronto, enantes del tiempu establecío o deseao. || Con tiempu, cuando ye necesariu, nel momentu xustu. 2 Pronto, enantes del tiempu establecío o deseao. || Dar tiempu a [daquién], ser [un periodu de tiempu] abondu pa [daquién]. || Dar tiempu al tiempu, dexar pasar [el tiempu]. || De bien en tiempu, cuando ye necesariu, nel momentu xustu. 2 Pronto, enantes del tiempu establecíu o deseáu. || De los tiempos, cuantayá, fai munchu tiempu. || De tiempu en tiempu, unes vegaes sí y otres non, de xemes en cuando. 2 Poques vegaes, con poca frecuencia. || D’un tiempu, de la mesma edá, de la mesma época. || En tiempos, cuantayá, fai munchu tiempu. || En tiempos de sinabogu, fam. va munchu tiempu, nun tiempu remotu. || En tiempu, cuando ye necesariu, nel momentu xustu. Hai qu’avisar en tiempu. 2 Pronto, enantes del tiempu establecíu o deseáu. || Facer tiempu, entretenese [hasta qu’asoceda daqué]. || Matar el tiempu, entretenese [hasta qu’asoceda daqué]. || Mediu tiempu, mediutiempu, espaciu de tiempu [qu’hai ente un fechu y otru]. Nesi mediu tiempu dio-y por llamar a tola xente. || Pasar el tiempu, entretenese [hasta qu’asoceda daqué]. || Per tiempos, cuando taba fixao. || Perder el tiempu, facer coses que nun merecen la pena. || Tiempu d’ensuga, momentu afayadizu [pa facer llabores] que precisen que tea la tierra ensucho, un tiempu ensuchu. || Tiempu muertu, momentu [d’un procesu cuando nun hai actividá útil].