muerte, la: sust. Aición y efeutu de morrer. 2 Cosa que fai dañu, que fai morrer. Beber ye la muerte pa él. 3 Personaxe imaxinariu [que representa a los muertos]. || A muerte, con toles ganes, con tol esfuerciu [pegar]. Dio-y a muerte. 2 Que llega hasta morrer. Combate a muerte. || Agarrar la muerte, fam. ponese mui malu. || Al pasu la muerte, fam. mui despacio. || Cola muerte nos calcaños, a puntu de morrer, en peligru inminente de morrer. || Como la muerte, mui fríu. || Como la muerte pelada, fam. mui flacu, desmeyoráu. || De muerte, impresionante, estraordinariu. Sustu de muerte. || Ente la vida y la muerte, a puntu de morrer, en peligru verdaderu de muerte. || Hasta la muerte, hasta’l final, con toles consecuencies. || Muerte mesada, fam. mui flacu, desmeyoráu.