llei, la: sust. Acuerdu [pa ser cumplíu y que pauta una comunidá sobre cómo se tien que facer daqué]. 2 Conxuntu de los acuerdos [pa ser cumplíos y que pauta una comunidá sobre cómo se tien que facer daqué]. La llei ye igual pa toos. 3 Espresión [que recueye l’acuerdu que pauta una comunidá sobre cómo se tien que facer daqué y qu’hai que cumplir]. 4 Manera [d’actuar constante que tienen les fuercies de la naturaleza]. Llei de la gravedá. 5 Espresión [matemática que resume y describe la manera d’actuar constante que tienen les fuercies de la naturaleza]. 6 Cariñu, afeutu. Tanta llei tomaron al xenru que volvieron. 7 Proporción [d’oru o plata que tien una xoya, una moneda]. 8 pl. Conxuntu d’estudios universitarios que se faen sobre’l sistema social de normes de convivencia. || Con toles de la llei, poniendo tol esfuerciu, tol puxu. Dio-y un tortazu con toles de la llei. 2 Con tola intención. 3 Dafechu, completamente. || De llei, honrada, de confianza [una persona]. 2 Cola pureza qu’esixe la llei [l’oru, la plata]. || Llei de la ventaya, llicencia del árbitru de fútbol, pola que nun castiga una falta si l’equipu del xugador perxudicáu controla’l balón. || Llei seca, vetu de mercar y consumir bebíes alcohóliques. || Lleis de pleitos probes, fam. persona [que se mete n’asuntos de poca importancia].