café, el: sust. Árbol tropical del xéneru Coffea [de fueyes verdes escures y frutu en granos]. 2 Granu [que se saca del frutu de los árboles del xéneru Coffea]. 3 Granu [tostao y molío de los árboles del xéneru Coffea]. 4 Bebida [que se fai con agua fervío y granu tostao y molío de los árboles del xéneru Coffea]. 5 Cafetería. || Café cortao, bebida [que se fai col granu de los árboles del xéneru Coffea a lo que s’echa dempués un poco de lleche]. || Café de caricós, bebida [que se fai col granu de los árboles del xéneru Coffea y no que s’echa un tizón a medio quemar]. || Café de manga, bebida [que se fai col granu de los árboles del xéneru Coffea pasándolo per una manga]. || Café de pota, bebida [que se fai nuna pota col granu de los árboles del xéneru Coffea y colándolo dempués con una manga]. || Café negro, café [que se toma ensin echa-y lleche]. || Café prieto, bebida [que se fai col granu de los árboles del xéneru Coffea que se toma ensin echa-y lleche]. || Café puro, bebida [que se fai col granu los árboles del xéneru Coffea que se toma ensin echa-y lleche]. || Café solo, bebida [que se fai col granu de los árboles del xéneru Coffea que se toma ensin echa-y lleche].