cabra, la: sust. Animal mamíferu del xéneru Capra [de cuernos reviraos y echaos p’atrás que blinca con axilidá]. 2 Mamíferu fema del xéneru Capra. 3 Cottus bubalis, tiñosu venenosu, pexe [d’espines venenoses y cuerpu ensin escames]. 4 Paracentropristis cabrilla, pexe [de color arroxao con rayes pardes a lo ancho, que salta percima l’agua]. 5 Recipiente [de madera que s’usa na albañilería pa xubir la pastia a los andamios]. 6 Recipiente [de madera que s’usa na albañilería pa xubir la pastia a los andamios enllenu de daqué]. 7 Cantidá [de daqué que lleva’l recipiente de madera que s’usa n’albañilería pa xubir la pastia a los andamios]. 8 Armazón [de madera con dos ganchos o pinces que s’emplega pa llevantar la muela’l molín]. 9 Palu [de los que se ponen en vertical na caxa del carru, pa poder cargalu más]. 10 Yerba [que queda ensin cortar cuando se siega mal curioso]. 11 Persona [rebalba]. 12 Persona [allocada, ensin xacíu]. 13 Mancha [que sal nes piernes por arimase muncho al fueu]. || Cabra d’altura, Helicolenus dactylopterus, pexe [encarnáu de panza ablancazada]. || Cabra del cantu, Helicolenus dactylopterus, pexe [encarnáu de panza ablancazada]. || Cabra lloca, Helicolenus dactylopterus, pexe [encarnáu de panza ablancazada]. || Cabra llocha, Helicolenus dactylopterus, pexe [encarnáu de panza ablancazada]. || Cabra llonxa, Helicolenus dactylopterus, pexe [encarnáu de panza ablancazada]. || Camín de cabres, vía de comunicación permala d’andar. || Como una cabra, mui [llocu, chifláu]. || Echar les cabres, cabriar, xugar una partida [los dos perdedores nun xuegu de cuatro, pa decidir quién ye l’únicu perdedor]. || Esfoyar la cabra, cayer [daquién] dando una vuelta sobre sí mesmu. || Meter les cabres en corral [a daquién], fam. dicir [a daquién] de manera firme y clara coses que lu dexen ensin argumentos, que lu faen cambiar d’actitú. || Tirar a les cabres, tirar la bola del xuegu de los bolos faciendo tol esfuerciu col brazu.