burru, -a, el/la: sust. Equus asinus, pollín. 2 Equus caballus, caballu. 3 Caballería, animal del xéneru Equus. || A burru, enriba d’una caballería con una pierna pa cada llau. 2 Coles piernes arreblagaes como si se tuviere montáu nuna caballería. Llevó al neñu a burru. || Apear de la burra, fam. ceder nuna opinión o nuna idea. 2 Facer ceder nuna opinión o idea. || Apear del burru, fam. ceder nuna opinión o nuna idea. 2 Facer ceder nuna opinión o idea. || Apease de la burra, fam. ceder nuna opinión o nuna idea. || Apease del burru, fam. ceder nuna opinión o nuna idea. || Baxar de la burra, fam. ceder nuna opinión o nuna idea. 2 Facer ceder nuna opinión o nuna idea. 3 Desengañase, tener una desilusión. || Baxar del burru, fam. ceder nuna opinión o nuna idea. 2 Facer ceder nuna opinión o nuna idea. 3 Desengañase, tener una desilusión. || Baxase de la burra, fam. ceder nuna opinión o nuna idea. 2 Desengañase, tener una desilusión. || Baxase del burru, fam. ceder nuna opinión o nuna idea. 2 Desengañase, tener una desilusión. || Burra’l diañu, inseutu [de cuerpu finu, güeyos grandes y ales llargues]. || Burru’l diañu, inseutu [de cuerpu finu, güeyos grandes y ales llargues]. || Cayer de la burra, fam. dase cuenta, convencese. || Correr la burra’l diablu, fam. dir peles cases bilordiando. || Echar el burru [a daquién], fam. reñer [a daquién]. || Echar la burra al agua, fam. mexar [un home]. || Pacer la conciencia un burru a daquién, fam. *espresión que se diz cuando una persona dexa d’actuar según unos principios, unes idees primeres. || Poner a cayer d’un burru [a daquién], reñer muncho [a daquién]. 2 Criticar muncho, falar con maldá de los defeutos o de les faltes de [daquién].