bien: alv. De mou o manera afayadiza, apropiada. Fíxolo bien. Bien podíes facelo asina. 2 Con facilidá. Llégase bien a so casa. 3 Muncho. –¿Queden nisos? – Sí, tovía hai bien. Eso gústame bien. 4 Mui. Hai bien pocos escoyíos. 5 Sí, d’acuerdu. Bien, vémonos mañana. 6 Dafechu, del too. Creyéronlo bien. Rompióse bien. || Bien [de daqué], cantidá grande [de daqué]. Bien de veces te lo dixi. Traxi bien d’elles. || Bien d’ello, muncho. La película prestó-y bien d’ello. || Bien en tiempu, cuando ye necesariu, nel momentu xustu. 2 Pronto, enantes del tiempu establecío o deseao. || Bien faláu, que fala con educación. || Bien que, muncho. Bien que te lo dixi. || Bien que mal, con dificultá. Bien que mal salieron alantre. || Cayer bien [daqué a daquién], pasar [daqué a daquién por tenelo merecío]. || De bien en tiempu, cuando ye necesariu, nel momentu xustu. 2 Pronto, enantes del tiempu establecío o deseao. || Más bien, meyor. Más bien dibes a velu güei. 2 Cuasi, cerca de. Tábemos ellí más bien venti persones. || Quedar bien, dar bona impresión [una persona al facer daqué]. || Sacudir bien les castañes, fam. facer daqué con munchu interés, con muncha rapidez. || Ta bien, sí, d’acuerdu. Ta bien, mañana nun vengo.