baxu, -a, -o: ax. Que tien poca altura o dimensión vertical. Home baxu. 2 Que ta a poca distancia del suelu. Techu baxu. 3 Que s’atopa [más] cerca de la parte per onde apoya [d’un oxetu, d’un edificiu]. La parte baxa del avión. 4 Que ta [más] al sur. Vive na baxa California. 5 Que tien un grau, un nivel, una cantidá, una calidá, un preciu menor [que’l d’otra cosa, que’l d’otra persona, que’l d’otra cantidá]. El dólar ta baxu. 6 De la parte final de [una llingua], de [una época], de [la historia]. Eso foi na baxa Edá Media. 7 Que tien pocu volume [un soníu, un aparatu musical]. La radio ta baxa. 8 De tonu grave [un soníu, la voz]. 9 Que da les notes más graves [d’ente los de la so clas un instrumentu]. 10 Poco intenso [un color]. 11 Que ta nel puntu cuando se mete menos na tierra [la marea, la mar]. 12 Rastreru, falsu [un fechu, una persona]. Fixo una cosa baxa. 13 Atristayáu, abangáu. Ta baxu, nun tien muncha gana xorda. || Cámara baxa, congresu de los diputaos. || Clas baxa, grupu de persones carauterizáu pol so nivel económicu baxu dientro [d’un país, d’una rexón]. || Cola cabeza baxa, atristayáu, ensin gracia. || De planta baxa, con un pisu solu y a ras del suelu. || Gallegu baxo, aire del suroeste. || Golpe baxu, aición traicionera. || Mar baxa, situación de la marea cuando ta nel puntu más baxu o cerca d’él. || Planta baxa, pisu a ras del suelu.