vivu, -a, -o: ax. Que tien vida. 2 Que ta prendíu [un fueu]. 3 Que se tien na memoria [un socesu]. 4 Fuerte, intenso [un color]. 5 Fuerte y que s’altera fácil [un caráuter]. 6 Que tien maña [pa engañar, pa llograr dalgún fin a escondíes de los demás]. 7 Que se da cuenta rápido de les coses, que piensa rápido les coses. 8 Que dexa ver lo que se ta pensando [una mirada, los güeyos]. 9 Bullindiegu, que nun para de movese. 10 Que se fala [una llingua]. || A llárima viva, muncho [llorar]. || Anima viva, fam. persona [mui ruina, enxencle, de pocu espíritu]. || Cal vivo, sustancia [compuesto d’oxíxenu y calciu que se saca calentando la piedra caliar]. || Comer vivu [a daquién], causar munchu dañu [a daquién]. Los pioyos comiéronlu vivu. 2 Avasallar, humildar [a daquién] ensin nengún miramientu. Si lo digo cómeme vivu. || De viva voz, direutamente y con pallabres. || En carne vivo, col pelleyu llevantao [una mancadura, una ariadura]. || En carnes vives, col cuerpu desnudu, ensin ropa puesto. || En cueros vivos, desnudu. || Marea viva, movimientu fuerte de xuba [que fai la mar]. || Obra viva, parte [del cascu d’una embarcación] que ta debaxo l’agua.