trabayu, el: sust. Aición y efeutu de trabayar. 2 Sitiu o actividá [na que se trabaya]. Tengo la chaqueta nel trabayu. 3 Productu [d’una fuercia pol tresllau que causa nun cuerpu]. 4 Esfuerciu [que se fai pa llograr daqué]. Costó-y bastante trabayu sacar los fíos arriba. 5 Dolor, molestia física. Tien un trabayu al mexar que nun se-y quita. 6 Cosa [que resulta de trabayar]. 7 pl. Dificultaes, calamidaes. || Aneyáu de trabayu, apuráu, con munchu trabayu. || Costar trabayu, necesitar [daqué] munchu esfuerciu [pa facese]. || Llevar trabayu, necesitar [daqué] munchu esfuerciu [pa facese]. || Trabayu de campu, trabayu [que consiste na recoyida de datos, d’información sobre daqué o daquién nel so mediu natural].