arena, l’(a): sust. Sable, conxuntu [de partícules minerales permenudes, procedentes de la erosión de les peñes]. 2 Partícula mineral [separada de les peñes pola erosión]. 3 Cálculu, piedra [pequeña que se cría na vexiga]. 4 Sitiu [central nun anfiteatru, nun circu, onde se llucha, onde se xuega]. 5 Salváu [de trigu]. || Pulga d’arena, Talitrus saltator, crustaceu marín [de color arrosao y tamañu pequeñu que da blincos grandes y vive soterráu na arena de les sableres]. || Reló d’arena, aparatu [pa midir el tiempu, sofitáu no que tarda l’arena en pasar d’una parte a otra d’un recipiente per un pasu perestrechu]. || Una de cal y otra d’arena, una cosa bien y otra mal [socesivamente].