sapu, -a, el/la: sust. Animal batraciu [asemeyáu a la xaronca, de cuerpu arredondiáu y ensin rabu, güeyos saltones y pelleyu verrugoso]. 2 fam. Persona [de mal caráuter]. 3 fam. Persona [baxa, de poca estatura]. 4 fam. Persona [áxil, con capacidá pa movese rápido]. 5 fam. Persona [perfea]. || Como un sapu, fam. mui [feu]. 2 Mui [neciu]. || De boca de sapu, de llana y mui zarraos [unos escarpinos]. || De la marca’l sapu, fam. baxu, de poca estatura. || Flor de sapu, Taraxacum officinale, cardeña, planta [de flores marielles que tien la salvia ablancazao]. || Fueya de sapu, planta [con flores marielles de cinco pétalos que tien el megollu asemeyao al xabú]. || Oreya de sapu, Umbilicus rupestris, planta [que tien la fueya arredondiao y carnoso]. || Pan de sapu, [tipu de] cogorda. || Poner a texer un sapu, colgar un sapu d’un palu. || Sapu a sapu, de manera asemeyada a como fai un sapu [andar, blincar]. || Sapu campaneru, sapu de la familia Bufonidae. || Sombreru (de) sapu, Umbilicus rupestris, caldera, planta [de fueya arredondiao y carnoso]. 2 Hydrocotyle vulgaris, planta [de tueru mui finu que da flores arrosaes o blanques y que medra nos sitios llentos]. || Uña de (el) sapu, planta [asemeyada a la meruxa]. || Uva de (el) sapu, planta [que da un frutu redondu y coloráu]. || Vuelta’l sapu, vuelta [que se da apoyando la cabeza y les manes en suelu].