Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


saber: v. Tener o formar na mente un conxuntu d’idees sobre [daqué per aciu del estudiu, de la esperiencia, del albidru]. Yá sé esa lleición. Sé qu’eso nun se fai asina. Yá sabría la lleición. 2 Conocer dafechu [daqué], tener una idea completa [sobre daqué]. 3 Tener capacidá [pa facer daqué]. Ella sabe controlase bien. 4 Tener bon sabor. Les fabes güei saben. 5 Tener un sabor [bono, malo, a daqué]. Les fabes güei saben muncho a ayu. Les berces sabíen mal. 6 Gustar [a daquién una comida, una bebida]. ¿Sábete la lleche? || Nun saber de la misa (a) la media, fam. nun tener nengún conocimientu [sobre daqué]. || Nun saber de la misa la metá, fam. nun tener nengún conocimientu [sobre daqué]. || Nun saber nin tocar el caniellu, fam. nun saber facer nada de provechu. || Nun saber ónde se come, nun conocer la realidá de la vida. 2 Tar desorientáu dafechu. || Nun saber ónde se tien la mano derecha, nun conocer la realidá de la vida. 2 Tar desorientáu dafechu. 3 Ser tontu dafechu. || Nun saber si ta crudu o cocíu, nun conocer l’estáu d’ánimu d’una persona, la opinión que tien una persona de daqué. || Quién sabe, *espresión que s’emplega pa indicar la inorancia sobre daqué. || Quién sabe cómo, d’una manera indeterminada. Fízolo quién sabe cómo. || Quién sabe cuándo, nun tiempu indetermináu. || Quién sabe ónde, nun sitiu indetermináu. Vive quién sabe ónde. || Quién sabe qué, una cosa indeterminada. Entrugó quién sabe qué. || Quién sabe quién, una persona indeterminada. Vieno quién sabe quién. || Quién sabe ú, nun sitiu indetermináu. || Saber a gloria, tar mui ricu [un alimentu]. 2 Prestar permuncho [daqué]. Les allabancies supiéron-y a gloria. || Saber a poco, gustar muncho [daqué] y quedar con gana de más. Supiéronme a poco les vacaciones d’esti añu. || Saber arreglar, contar [bien les coses, los cuentos]. 2 Alministrar bien [el dineru, los bienes]. Pepa sabe arreglar, con cuatro duros llega a final de mes. || Saber la lleición, tar bien encamentáu [pa facer daqué]. || Saber más que les culiebres, fam. ser mui llistu, saber muncho. || Saber más que les curuxes, fam. ser mui llistu, saber muncho. || Saber más qu’un abogáu, fam. ser mui llistu, saber muncho. || Saber muncha lletra (menudo), tener maña, habilidá [pa engañar, pa llograr dalgún fin]. || Sentir campanes y nun saber ónde, conocer mal daqué por referencies imprecises, por mala entendedera. || Tal y cuál y que sé yo, *espresión de sentíu imprecisu que s’usa en cuentes d’otra. || Vete tu a saber, *espresión cola que se da a entender que nun se pue saber seguro daqué.