reutu, -a, -o: ax. Ensin curves, ensin ángulos o pliegues. Una llinia reuta. 2 Derechu, ensin arrodiar. Esi camín vien reutu pa equí. 3 Ensin aparase, ensin entretenese. Será tarde, pero vini reuta p’acá. 4 Col cuerpu mui estiráu, ensin torcese. Siéntate reuta na siella. 5 En posición vertical. Pon reutu’l varal que cayó. 6 Col comportamientu bien marcáu. So pá trailu reutu. 7 Seria, honrada, trabayadora [una persona]. 8 Firme y xusta [una orde, un determín]. 9 D’una abertura de noventa graos [un ángulu]. 10 Que ye’l primeru y ensin conteníos derivaos [el significáu d’una pallabra]. || Pautu reutu, contratu pol que’l comprador ta obligáu a devolver al vendedor lo comprao pol so preciu.