ratu, el: sust. Mamíferu royedor del xéneru Mus [col rabu allargáu, de tamañu pequeñu y que vive peles cases]. 2 Mamíferu royedor del xéneru Apodemus [col rabu allargáu, de tamañu pequeñu, que vive pelos praos]. 3 Alopias vulpes, pexe [gris azulao penriba y la barriga blanca, que tien el rabu en forma de foz]. 4 Porción [de tiempu xeneralmente curtiu]. 5 Reflexu [que produz un cristal]. 6 fam. Muérganu sexual femenín. || A ratos, dacuando, de xemes en cuando. || Andar los ratos en caxón, fam. ruxir les tripes. 2 Haber fame. 3 Robar [coses de poca importancia, en poques cantidaes]. || Pexe ratu, pexerratu, [tipu de] tiburón. || Ratu ablaneru, Glis glis, mamíferu royedor [col pelo gris]. || Ratu (de) día, hores entraes del día. Yá yera ratu día y taba tan raso que nel cielu nun se podía colgar nin un candil. Yá yera ratu día y la xente namás oyer el cencerru de la Galfarra tirábase al camín a ver quién pasaba. || Ratu (de) nueche, hores entraes de la nueche. Cuando llegó a casa ratu nueche taba tola xente dormiendo. || Ratu (de) prau, mamíferu royedor [de rabu llargu y de tamañu pequeñu qu’añera nos praos]. || Ratu (de) ríu, Galemys pyrenaicus, mamíferu royedor [pequeñu que vive pelos ríos]. || Ratu dormidor, Eliomys quercinus, mamíferu royedor [acolorazáu con una mancha negra alredor de los güeyos, que duerme muncho cuando hiberna]. || Ratu dormión, Eliomys quercinus, mamíferu royedor [acolorazáu con una mancha negra alredor de los güeyos, que duerme muncho cuando hiberna]. || Ratu dormitón, Eliomys quercinus, mamíferu royedor [acolorazáu con una mancha negra alredor de los güeyos, que duerme muncho cuando hiberna]. || Ratu furón, mamíferu royedor [de rabu llargu y de tamañu pequeñu]. || Ratu terreru, mamíferu royedor [de rabu llargu y tamañu pequeñu]. || Ratu toperu, mamíferu royedor [de tamañu pequeñu]. || Ratu topineru, mamíferu royedor [de tamañu pequeñu]. || Ratu topu, mamíferu royedor [de tamañu pequeñu y col focicu puntiáu]. || Topu ratu, musgañu, mamíferu insectívoru [de focicu puntiáu y asemeyáu al ratón].