raposu, -a, el/la: sust. Vulpes vulpes, mamíferu carniegu [de color roxo, focicu puntiáu y rabu llargu]. || Calza de raposu, Digitalis purpurea, planta [de flores grandes de color morao y con pintes que tienen forma de dedal]. || Calzones de raposu, Digitalis purpurea, planta [de flores grandes de color morao con pintes que tienen forma de dedal]. 2 Aquilegia vulgaris, planta [de flores grandes de color azul]. || Como un raposu, de manera fuina, escondiendo les intenciones verdaderes. || Como’l raposu, de manera fuina, escondiendo les intenciones verdaderes. || Llárimes de raposu, llárimes falses, poco sentíes. || Rabu de raposu, planta [alta] del xéneru Equisetum [de la que sal un grupu de cañines de cada nuedu del tueru]. 2 Myisuris minimus, planta [de flores pequeñes de color verde amarelludo].