rana, la: sust. Xaronca, animal batraciu del xéneru Rana [xeneralmente de color verde con pintes negres]. 2 Inseutu coleópteru [de color escuro que se diz qu’envenena al ganáu que lu come]. 3 Enfermedá [del ganáu que se manifiesta con angüeñes que salen per debaxo la llingua, por tener hinchaos los güeyos o la barriga y por tener muncha sede]. 4 Vexiga, angüeña [de les que salen al ganáu debaxo la llingua]. 5 Pieza [de piedra que s’asitia na mesa del molín]. 6 Xuguete [fechu travesando mediu cascu de nuez con un filu pa qu’al tirar de los cabos voltie faciendo ruíu]. 7 Xuegu [que consiste n’apuntar y meter una pieza pela boca d’una figura en forma de batraciu del xéneru Rana]. || Mal de la rana, enfermedá [del ganáu que se manifiesta con angüeñes que salen per debaxo la llingua, por tener hinchaos los güeyos o la barriga y por tener muncha sede]. || Salir rana daqué, fam. *espresión que se diz cuando sal mal daqué. 2 Defraudar [una persona a otra]. 3 Traicionar. || Vuelta la rana, vuelta [que se da apoyando la cabeza y les manes en suelu].