ralla, la: sust. Aición y efeutu de rallar. 2 Aperiu [compuestu d’un mangu y una pieza semicircular de fierro o de madera, formando ángulu reutu, que s’emplega pa llimpiar la corte]. 3 Oxetu [con un mangu y una pieza de fierro alliniaos, que s’emplega xeneralmente pa llimpiar los restos que queden apegaos a la masera]. 4 Marca o restos [de comida, de pastia, de cuchu que se saquen d’una vegada de la masera al rallar]. 5 Comida [que queda apegao al culu d’un cacíu al cocer daqué nél]. 6 Caprimulgus europaeus, páxaru [de pluma agrisao qu’esnala al escurecer].