rabu, el: sust. Estremidá [cabera y allargada que sigue al espinazu y que sobresal pela parte trasera de dellos animales]. 2 Parte [allargada que sobresal de daqué, onde acaba daqué]. 3 Conxuntu de plumes [que tien un páxaru nel estremu caberu y traseru del espinazu]. 4 Aleta o aletes [que los pexes tienen na parte trasera]. 5 Parte [allargada d’una flor, d’una fruta per onde ta aunida a la planta, al árbol]. 6 Mangu, parte [allargada per onde s’agarra una ferramienta, un cacíu]. 7 Mecha [d’una vela]. 8 Maderu [qu’encaxa nel mayu del batán y que sobresal per baxo, de manera qu’al da-y la volvedera alza’l mayu]. 9 fam. Pene. || A rabu corderín, amarrada al rabu d’una caballería que va delantre [una caballería]. || A rabu estalláu, muncho, en cantidá grande [trabayar]. 2 Con satisfaición. 3 Rápido, apriesa. || A rabu restalláu, muncho, en gran cantidá [trabayar]. 2 Con satisfaición. 3 Rápido, apriesa. || Al demoniu pel rabu, fam. muncho [comer]. || Al diañu pel rabu, fam. muncho [comer]. || Al rabu [de daquién], xunto a [daquién faciéndo-y favores, afalagándolu]. 2 Con dependencia enforma [de daquién]. || Atar la mosca pel rabu, fam. *espresión que se diz cuando daqué nun tien sentíu, nun se pue entender. || Cambiar el rabu poles oreyes, fam. sustituyir daqué por dalgo que ye peor. || Cazu de rabu llargu, cacíu [más anchu qu’altu y con un mangu llargu que s’emplega pa tostar pataques, güevos]. || Col rabu encoyíu, fam. avergonzáu. 2 Dexar d’intervenir en daqué [por vergüenza]. 3 Aceptando daqué que nun gusta, que nun se quier [nuna reña, nun discutiniu]. || Col rabu ente les pates, fam. avergonzáu. 2 Dexar d’intervenir en daqué [por vergüenza]. 3 Aceptando daqué que nun gusta, que nun se quier [nuna reña, nun discutiniu]. || Como la oreya d’un rabu, fam. mui [pequeñu, ruin]. || De cabu a rabu, dafechu, ensin dexar nada. || De la punta (de) el rabu blancu, mala, que nun tien virtúes morales, que busca perxudicar [una persona]. || De rabu llargu, de sabor amargo [un tipu de pera]. || De rabu parráu, de color verde y bon sabor [un tipu de mazana]. || Enroscar el rabu ente les pates, fam. despreocupase de daqué. 2 Acobardase, echase p’atrás [nun asuntu]. || Enroscar el rabu ente les piernes, fam. despreocupase de daqué. 2 Acobardase, echase p’atrás [nun asuntu]. || Espurrir el rabu, fam. morrer. || Meter el rabu ente les pates, fam. avergonzase. 2 Dexar d’intervenir en daqué [por vergüenza]. 3 Aceptando daqué que nun gusta, que nun se quier [nuna reña, nun discutiniu]. || Rabu coloráu, Phoenicurus ochruros, páxaru [anegratáu de rabu encarnáu]. || Rabu (de) burricu, planta [alta] del xéneru Equisetum [de la que sal un grupu de cañines de cada nuedu del tueru]. || Rabu de (el) gatu, Achillea millefolium, cenoyina, planta [de fueyes mui pequeñes y flores blanques]. || Rabu de gocha, panoya de maíz [que tien dalgún granu negru]. || Rabu de potru, planta [alta] del xéneru Equisetum [de la que sal un grupu de cañines de cada nuedu del tueru]. || Rabu de raposa, planta [alta] del xéneru Equisetum [de la que sal un grupu de cañines de cada nuedu del tueru]. || Rabu de raposu, planta [alta] del xéneru Equisetum [de la que sal un grupu de cañines de cada nuedu del tueru]. 2 Myosuris minimus, planta [de flores pequeñes de color verde amarelludo]. || Rabu llargu, Aegithalos caudatus, páxaru [pequeñu de rabu perllargu y de color blanco y negro]. || Rabu pescáu, nada. || Rabu salseru, rapacín vivu, espiertu. || Xulia (de) el rabu, pexe del xéneru Coris [de color encarnao con una aleta allargada en llombu, que naz fema y que dempués tresfórmase en machu]. || Xulia del rabu negru, pexe del xéneru Coris [de color encarnao con una aleta allargada en llombu, que naz fema y que dempués tresfórmase en machu].