plomu, el: sust. Metal de símbolu Pb [de color azulao y mui pesao]. 2 Porción o oxetu [fechu del metal de símbolu Pb de color azulao y mui pesao]. 3 fam. Persona o cosa [pesada, cafiante]. 4 pl. Fusibles, dispositivos [con un filu metálicu que se pon nuna rede llétrica pa que fundan cuando hai una descarga]. || A plomu, ensin facer intentu d’apoyase, de protexese al [cayer]. 2 En vertical. || Como’l plomu, fam. perpesáu. || Fundise los plomos, fam. asoceder daqué estraordinario, descomanao. || Plomu arriba, xubiendo un terrenu mui cuesto.