nome, el: sust. Pallabra [cola que s’identifica una cosa o una persona]. 2 Pallabra [capaz de funcionar por sí sola como suxetu d’una oración gramatical]. 3 Insultu, pallabra o dichu [col que s’ofiende o manca]. 4 Pallabra [que se da a daqué o daquién pola mor d’una carauterística o una cualidá que lu identifica, por metonimia]. 5 Fama, creitu. || A nome [de daquién], baxo la propiedá [de daquién]. 2 Cola responsabilidá esplícita [de daquién]. || En nome de [daquién], representando a [daquién]. || Gastar el nome [a daquién], fam. llamar muncho pol nome [a daquién]. || Llamar nomes, insultar. || Nome científicu, nome [d’un animal o d’una planta, acordies coles normes de clasificación biolóxica]. || Nome común, nome [que se refier a tolos miembros d’una especie]. || Nome de pila, nome [que se da a daquién al bautizalu, al rexistralu]. || Nome propiu, nome que se refier a [daqué] o a [daquién] únicu dientro la so especie. || Nun tener nome, ser tremendu, horrible. || Pescáu del mal nome, Brama raii, palombeta, pexe [de forma arredondiada y de color gris].