nieve, la: sust. Materia [formao d’agua xelao en cristales pequeños que cai de les nubes]. 2 Conxuntu de deportes o d’actividaes recreatives [que se faen en sitios nevaos]. Gústa-y la nieve. || Cocer (la) nieve, ponese’l tiempu pa nevar. || Como la nieve, perfríu. 2 Perblancu. || Como una oveya cargada de nieve, fam. atontáu afatáu. || De nieve, a puntu de ponese a nevar [el tiempu, el día]. || Firir nieve, ponese’l tiempu pa nevar. || Puntu (de) nieve, estáu [al que llega la clara del güevu al batelo muncho]. || Rozar nieve, andar pente muncha nieve.