negru, -a, -o: ax. Que produz la mesma sensación visual que’l carbón al entrar en contautu cola lluz. 2 Que produz una sensación visual [más] paecida al color del carbón [qu’otros elementos del mesmu tipu o especie]. 3 Ensin nada de lluz, ensin nada de claridá. Nueche negra. 4 De la raza humana que tien la piel escuro. 5 Difícil, abegosu [un asuntu, una situación]. 6 D’intriga y muerte [una novela, una película]. 7 Enfadáu, de mal humor. 8 Escurecíu por tar puercu, por tar mal llaváu. || Águila negra, Aquila chrysaetos, páxaru de presa [grande, de picu perfuerte y de pluma escuro]. || Barbada negra, Raniceps raninus, pexe [allargáu, de cabeza grande y achaplada, de cuerpu perescuru y babosu]. || Café negro, café [que se toma ensin echa-y lleche]. || Cardu negru, Galactites tomentosa, planta [espinosa de fueyes verdes con manches blanques pembaxo]. || Caxa negra, aparatu [que rexistra toles incidencies téuniques nel vuelu d’un avión, nel trayeutu d’un tren]. || Como un espín negru, de mal caráuter, dau a enfadase. || En blanco y negro, con tonos blancos, negros y grises [una imaxe fotográfica, un sistema de televisión]. || Estornín negru, Sturnus unicolor, páxaru [pequeñu de color negro y col picu mariellu]. || Faba negra, faba [pequeña, arredondiada y del color del carbón]. || Furacu negru, cuerpu celeste, resultáu de la destrucción d’una estrella pola propia fuercia, d’una gravedá talo que suerbe la lluz. || Humor negro, capacidá p’atopar el llau cómicu o absurdu de les coses con atención a los aspeutos macabros, doliosos. || Indianu de filo negro, emigrante [que torna d’América ensin facer munchu dineru]. || Llista negra, serie [de nomes, de númberos, de datos que s’apunten por daqué negativo o refugable]. || Marea negra, masa de petroleu [que s’arrama pela mar]. || Maxa negro, arte [de facer coses sobrenaturales ayudándose d’espíritus dañibles]. || Misa negra, ritual satánicu [nel que se piden favores al demoniu]. || Morciella negra, morciella [fecha con una mecedura de sangre, cebolla, untu y sal]. || Pasales negres, fam. tener dificultaes, sufrimientos. || Tordu negru, Turdus merula, páxaru [de color escuro, picu anaranxáu y pates llargues]. || Untáu como un espín negru, fam. que nun ye atentu, que nun ye amable. || Vese negru, fam. tener munches dificultaes, sufrimientos. || Xulia de la mancha negra, pexe del xéneru Coris [de color encarnao con una aleta allargada en llombu, que naz fema y que dempués tresfórmase en machu]. || Xulia del rabu negru, pexe del xéneru Coris [de color encarnao con una aleta allargada en llombu, que naz fema y que dempués tresfórmase en machu].