nariz, la: sust. t. pl. Parte saliente de la cara que ta ente la boca y los güeyos [y que ye per onde se respira]. 2 Capacidá [pa percibir les sensaciones que producen les partícules que suelta pel aire una sustancia, un cuerpu al tocar les terminaciones nervioses de la parte saliente de la cara per onde se respira]. || Aguzar les narices, enfocicase, enfadase. || Colgase nes narices [daqué], fam. metese [daqué] na cabeza [a daquién]. || Dar cola puerta nes narices, fam. refugar de males maneres [a una persona]. 2 Fastidiar, facer de rabiar [a daquién]. || Dar nes narices, fam. refugar de males maneres [a una persona]. 2 Fastidiar, facer de rabiar [a daquién]. || De (les) narices, *espresión que-y da intensidá a un axetivu. El tontu de les narices esi. || De narices, fam. muncho. Ye fatu de narices. 2 Impresionante, estraordinariu. Ye grande de narices. 3 De focicos [cayer]. || De nariz, con resonancia nasal. Falar de nariz. || Hasta les narices, fam. fartucu, cansáu de [daqué o daquién]. Vieno hasta les narices de la conferencia. || Manda narices, fam. *espresión cola que s’amuesa una sorpresa, cola que se da intensidá a una valoración. || Meter les narices onde naide lu llama, fam. metese [n’asuntos ayenos]. || Nun haber (más) narices, fam. nun haber otra solución. Nun hai más narices que facelo. || Nun ver más allá de les narices, fam. ser curtiu pa entender daqué. || Por narices, fam. a la fuercia, inevitablemente. Nun-y gustaba nada pero comiólo por narices. 2 Ensin nenguna xustificación. Emperróse y acabó faciéndolo por narices. || Salir de les narices [daqué a daquién], fam. apetecer por puru caprichu [daqué a daquién]. || Tener narices, fam. tener valentía, valor [pa facer daqué]. 2 Ser estraordinariu, tremendu. Tien narices que lo diga él. || Tocar les narices, fam. molestar, cafiar [a daquién]. || Tocase les narices, fam. folgar, tar ensin facer nada. Primero tocástite les narices y agora llores. 2 *Espresión que s’usa pa dicir a daquién que se fastidie, que s’aguante.