música, la: sust. Combinación de soníos [prestosa pal oyíu]. 2 Arte de combinar los soníos de manera [prestosa pal oyíu]. 3 Obra [artística formada pola combinación de soníos prestosos pal oyíu]. 4 Conxuntu de músicos. 5 Enguedeyu, xaréu. Qué t’importa eso, ¡tienes una gana de música! 6 pl. Cosa, asuntu [de poca importancia]. || Caxa de música, recipiente [de madera, de metal que fai sonar la música al llevantar la tapa]. || Cola música a otra parte, fam. *espresión cola que daquién se despide, cola que se manda marchar a daquién que cafia. || Música y danzaina, cuentos, mentires. || Músiques y danzaines, cuentos, mentires.