montés: ax. Del monte. 2 Que se cría de manera natural, ensin que l’home la seme [una planta, un árbol]. 3 Salvaxe, que nun ye domésticu [un animal]. 4 Que conoz el monte. 5 Que-y gusta tar en monte. 6 Xabaz, de maneres tosques y poco sociable. 7 Que se porta ensin educación y ensin respetu. 8 Que nun suelta bien el granu [una nuez]. 9 Duro, que nun val pa canteriar [la piedra]. || Alfalfa montés, Hypericum perforatum, planta melecinable [de fueyes compuestes con pintes negres nel borde]. || Andarina montés, Ptynoprogne rupestris, páxaru [de picu percurtiu coles ales y el llombu pardu y la barriga ablancazada]. || Arbeyu montés, planta lleguminosa del xéneru Vicia [que crez enredándose n’otres y que da una caxina anegratada con granos comestibles]. || Ayu montés, planta montés del xéneru Allium [que da un bulbu pequeñu non comestible y flores ente marielles y encarnaes]. || Azafrán montés, Crocus asturicus, planta [que florez na seronda con flores de color viola]. || Blima montés, Cornus sanguinea, escuernacabra, arbustu [de flores ablancazaes que da frutos negros y arredondiaos]. || Calabaza montés, Cucurbita pepo, planta [de fueyes grandes que medra arrastrándose pela tierra]. 2 Frutu de la Cucurbita pepo. || Cañavera montés, planta del xéneru Cannabis [que se cría en terrenos llentos y da un zusmiu que s’usa de melecina pal arrascu]. || Cebolla montés, planta el xéneru Colchicum. || Clavel montés, Dianthus monspessulanus, planta [de flores grandes de color rosa o blanco]. || Folguera montés, [tipu de] felechu [grande]. || Gatu montés, gatu [grande y rayáu que vive en monte]. || Gochu montés, xabalín. || Gurrión montés, Miliaria calandra, páxaru [apardáu con rayes escures que fai’l nial en suelu]. || Llenteya montés, arbeyera, planta del xéneru Vicia [que crez enredándose n’otres y que da unes caxines anegrataes con granos comestibles]. || Nabu montés, Sinapis arvensis, nabiza, planta [de fueya ovalao y peludo que da un frutu pequeñu y allargáu]. || Perexil montés, Fumaria capreolata, planta [que da flores arrosaes y que tien munchu arume]. || Perín montés, Pyrus pyraster, peruyal, árbol [que da flores blanques y frutos más pequeños, duros y agrios qu’una pera]. || Té montés, Sideritis hyssopifolia, planta [con poca fueya y flores marielles que nacen n’espiga].