llobu, -a, el/la: sust. Canis lupus, mamíferu carnívoru [asemeyáu al perru, de color gris escuro, col rabu llargu y munchu pelo]. || Boca (de) llobu, bocallobu, forma [que se da a la cabeza d’un pie de galería na mina pa qu’encaxe la trabanca]. || Como boca de llobu, perescuru [el día, un sitiu]. || Home llobu, licántropu, persona [que se convierte en llobu]. || Llobu cerval, animal mamíferu montés del xéneru Lynx [asemeyáu al gatu, d’oreyes picudes y pelleya con pintes]. || Llobu cervante, animal mamíferu montés del xéneru Lynx [asemeyáu al gatu, d’oreyes picudes y pelleya con pintes]. || Llobu de mar, foca, mamíferu marín de la familia Phocidae [que tien el cuerpu cubiertu de pelo mesto y les estremidaes en forma d’aleta]. 2 Marineru [vieyu y con muncha esperiencia]. || Llobu marín, foca, mamíferu marín de la familia Phocidae [que tien el cuerpu cubiertu de pelo mesto y les estremidaes en forma d’aleta]. || Na boca’l llobu, arriesgándose muncho, esponiéndose muncho. || Pata (de) lloba, Ranunculus repens, patalloba, planta [con llanuxu que tien les flores pequeñes y de color mariello brillante]. || Pata (de) llobu, Chaerophyllum hirsutum, patallobu, planta [que tien les fueyes con llanuxu y les flores blanques o arrosaes]. 2 Helleborus viridis, planta [dañible de flores verdes o arrosaes]. || Pelo de llobu, [tipu de] mofu [que se cría nel tueru d’un árbol]. || Peu de llobu, Lycoperdon perlatum, fungu [de forma arredondiada con polvu escuro dientro]. || Ver les oreyes al llobu, fam. dase cuenta de que se ta nuna situación peligrosa, difícil. Cuando llega mayu ve les oreyes al llobu y ponse a estudiar.