llibru, el: sust. Oxetu [formáu por un conxuntu de fueyes de papel escrites y encuadernaes]. 2 Cavidá tercera [de les cuatro nes que se divide l’estómagu de los rumiantes]. 3 Parte [del Vieyu Testamentu que ta dedicada a un personaxe, a un tema]. Llibru de Rut. Llibru de la sabiduría. 4 Parte [de les que formen un tratáu científicu, una obra lliteraria llarga]. || Como un llibru abiertu, sabiu, entendíu en delles materies. || De llibru, evidente, esperable acordies con un xuiciu elemental de los fechos. || Llibru blancu, informe [detalláu y ampliu sobre un determináu tema d’interés]. || Nun abrir un llibru, fam. nun estudiar nada [pa un esame, pa una oposición].