home, l’: sust. Persona del sexu masculín. Ropa d’home. 2 Persona. Tolos homes son iguales ante la llei. 3 Conxuntu de toles persones, de tolos seres racionales. La historia del home. 4 Persona del sexu masculín [que ta casáu con una muyer]. Marcelo ye l’home de Tiva. 5 Persona del sexu masculín que pasó l’adolescencia. Xuan ta fechu yá un home. 6 Ser racional de sexu masculín [con munchu valor]. 7 Engraulis encrasicholus, bocarte. || Home bonu, mediador [nuna negociación, nun arreglu]. || Home del sacu, personaxe imaxinariu [col que se mete mieu a los neños]. || Home del untu, personaxe imaxinariu [col que se mete mieu a los neños]. || Home llobu, licántropu, persona [que se convierte en llobu]. || Home marín, personaxe imaxinariu de la mar. || Mes de los homes, mes de payares. || Ser mediu home, ser un home ensin valor.