gordu, -a, -o: ax. Que tien muncha carne, muncha grasa [una persona, un animal]. 2 Con muncha grasa [el lleche, el caldu]. 3 Con munchu anchor. Filu gordo. 4 En cachos grandes [cortao, molío daqué]. Nun piques la carne tan gordo. 5 Espesu, coles partícules o colos elementos que lu formen [mui] xuntos, [mui] apertaos. Estes fariñes tán mui gordes. 6 Puerca [una persona]. 7 Que tien polvu, restos de comida, folla y da un aspeutu feu, molestu. Nun fregues más que pelo más gordo. Esti cuartu ta gordu. 8 Importante [poles consecuencies que pue trayer]. Asuntu gordu. 9 Grave, que trai consecuencies negatives [una aición, un fechu]. Lo tuyo ye mui gordo. Armástila gorda rompiendo les copes. || Cayer la gorda [a daquién], venir una desgracia, una calamidá. || Chicharru de culu gordu, inseutu [de color ente verde y mariello, de güeyos saltones y cantar monótonu]. || Como caldu gordo, fam. ensin determín, ensin voluntá. 2 Tranquilu, ensin preocupase. Dixéron-y de too y quedó como caldu gordo. || Como un picachón por gordu, fam. atontáu, afatáu. || Deu gordu, pulgar. || Domingu (el) gordu, domingu d’antroxu. || Facer la vista gorda, facer como que nun s’entera [una persona] de daqué que tien que correxir. || Martes (el) gordu, martes d’antroxu. || Más gorda nun entra en prau, fam. *espresión que s’emplega cuando daqué causa plasmu, llama muncho l’atención. || Más gorda nun va al prau, fam. *espresión que s’emplega cuando daqué causa plasmu, llama muncho l’atención. || Nunca la ver más gorda, fam. *espresión que s’emplega cuando daqué causa plasmu, llama muncho l’atención. ¿Asina qu’aprobó la oposición? Nunca la vio tan gorda. || Nunca lo ver más gordo, fam. *espresión que s’emplega cuando daqué causa plasmu, llama muncho l’atención. || Nun ver de gordu, fam. *espresión que se diz cuando daquién se quexa de tar gordu y nun ye asina. || Nun ver gorda, fam. ser cegaratu, tener problemes visuales. || Pasales gordes, fam. tener dificultaes, sufrimientos. || Pescadilla gorda, Merluccius merluccius, merluza. || Picar en gordo, ser más de lo que se pue aguantar [daqué]. || Pintor de brocha gorda, pintor [que pinta ventanes, paredes]. 2 fam. Persona [que pinta mal cuadros]. || Por gordo, en cantidá grande. || Sangre gordo, fam. falta d’arremangu, de brenga [pa facer les coses]. || Sudar la gota gorda, facer munchu esfuerciu [pa llograr daqué].