Diccionariu

Diccionariu de la Llingua Asturiana (DALLA)

Busca cenciella

Busca avanzada per pallabres

Si hai más de 500 resultaos tien d'axustar la consulta.

Busca avanzada per definición

Si hai más de 500 resultaos tien d'axustar la consulta.

Resultaos


gochu, -a, el/la: sust. Sus scrofa, mamíferu domésticu [col cuerpu gordu y cubiertu de serdes fuertes y rales, que tien la cabeza grande, les oreyes cayíes y el focicu saliente, con uños y pates curties y el rabu pequeñu y delgáu]. 2 Xabalín. || A pelo gochu, fam. moyándose, ensin paragües. 2 Cola cabeza al aire. 3 Ensin siella, ensin albarda [montar una caballería]. 4 Cobrando sólo’l xornal. 5 Ensin preparación, ensin tenelo ensayao [facer daqué]. 6 Ensin proteición, ensin sofitu. || Bola de la gocha, [tipu de] carambelu de miel. || Carambelu de la gocha, [tipu de] carambelu de miel. || Como la gocha, mui mal [quedar delantre d’otres persones por una contestación, por una aición]. || Como los gochos, mui mal [quedar delantre d’otres persones por una contestación, por una aición]. || Como un gochu cebón, mui [gordu]. || Como (una) gocha, mui puercu, enllenu de porquería. || Como una gocha con torga, arguyosu, enchipáu. || Echar a los gochos [daqué], estropiar [un asuntu cuando se taba iguando]. || Echar colos gochos [daqué], echar a perder [un negociu, un llabor]. || Echar la gocha [a daquién], ganar [a otru] trabayando más. || Gochu bravu, xabalín. || Gochu de mata, gochu [que se ceba pa matar]. || Gochu d’engorde, gochu [que se ceba pa matar]. || Gochu montés, xabalín. || Hasta cantar el gochu, fam. hasta mui tarde [pela mañana]. || Hasta cantar la gocha, fam. hasta mui tarde [pela mañana]. Tuvo na cama hasta que cantó la gocha. || Meter la gocha, facer una pareya de mayadores más ruíu qu’otra. || Rabu de gocha, panoya de maíz [que tien dalgún granu negru]. || Tar el capador enriba la gocha, fam. tar daquién trabayando tovía nun asuntu. || Yerba de gochu, Trifolium pratense, [tipu de] trébole.