gatu, el: sust. Phrynorhombus unimaculatus, pexe [col cuerpu arredondiáu que tira al color pardo con pintes escures]. 2 Alopias vulpes, pexe [gris azulao penriba y la barriga blanca, que tien el rabu en forma de foz]. 3 Etmopterus spinax, pexdegatu, pexe [de color escuro con cinco abertures branquiales y un aguiyón delantre de cada aleta]. 4 Pexe del xéneru Centrophorus [col cuerpu estrechu y allargáu, de pelleyu mui áspero]. 5 Scymnodon rigens, pexe [col cuerpu allargáu, el pelleyu áspero y la boca y los güeyos grandes]. 6 Pieza [de fierro pa suxetar na estadiya’l maderu que se sierra]. 7 Pieza [de madera, de fierro, con forma prismática y que remata en caún de los cabos en forma de troncu de pirámide pa ensambrar tables]. 8 Maderu [que se pon de refuerzu nes esquines que formen los sobrelliños del horru, encaxándolu pelos cabos]. 9 Barrina [de fierro que va dende’l cabu la gadaña onde se suxeta l’estil, hasta’l mediu de la costiella pa reforzala]. 10 Pieza [de fierro de la exa del carru]. 11 Ferramienta [formada por dos pieces que val pa llevantar pesos a poca altura del suelu]. Agarra’l gatu y cámbia-y la rueda al coche. 12 Armazón [que sostién los mazos del batán]. 13 Presa [pa regar qu’hai nuna tierra]. 14 Flor [de dalgunos árboles]. 15 Bultu [que sal a un animal nel caldar]. || Pexe (de) gatu, Etmopterus spinax, pexdegatu, pexe [de color escuro con cinco abertures branquiales y un aguiyón delantre de cada aleta].